जोगी होइन योगी बन्थे

- साप्ताहिक संवाददाता

चैत्र ३, २०७३- 

चन्द्रमामा आफूसँगै कसैलाई लाने मौका पाउनुभयो भने ? 

कति जना लान पाइने हो ? एक जना मात्र हो भने मलाई बडो गाह्रो पर्नेछ । म पारिवारिक मान्छे । आमालाई लैजाऊँ, बाउ छुट्छन् । श्रीमती लाँदा छोराछोरी छुट्छन् । त्यसैले म त्यता जान्नँ । 

 

एक दिनका लागि चोर बन्नुभयो भने सबैभन्दा पहिले के चोर्नु हुन्छ ? 

के चोर्नु र खै, त्यस्तो चोर्न लायक कुनै वस्तु नै देखेको छैन । 

 

कुनै नायिकाले विवाहको प्रस्ताव राखिन् भने ? 

ठाडै अस्वीकार गर्छु । 

 

हिरो नहुनुभएको भए ? 

हिरो नभएको भए म अनुसन्धानको काम गर्थें । 

 

काठमाडौंको पानीले तपाईं तक्लु हुनुभयो भने ? 

केशको मामिलामा म अलि बढी संदेशनशील छु । त्यसैले प्राय: मिनरल वाटरले मात्र केश धुन्छु । 

 

आफ्ना चलचित्रका हरेक अभिनेत्रीले लभ प्रपोज गरे भने ? 

प्रेम अस्वीकार गर्ने चिज होइन । हामीले जीवनमा प्रेम नै अस्वीकार गरेर स्वीकारचाहिँ के गर्ने ? 

 

कुनै सुन्दरीले बेड सेयर गर्ने प्रस्ताव राखिन् भने ? 

त्यसलाई चाहिँ ठाडै अस्वीकार गर्छु । 

 

दिनपछि रात परेन भने ? 

निदाउने बन्दोबस्त गरिन्थ्यो। किनभने निद्रा त हामी सबैका लागि अत्यावश्यक छ । 

 

धाराबाट पानीको साटो बियर आउन थाल्यो भने ? 

पानीको खोजमा लागिन्थ्यो । 

 

रेस्टुराँको बिल तिर्ने बेला पर्स घरमै छुटेको थाहा पाउनुभयो भने ?

मेरो पर्स छुटेछ । म आएर पे गर्छु भन्ने विश्वास दिलाउँथें । त्यति त विश्वास गर्लान् नि । मेरो असाध्यै बिर्सने बानी छ, यस्तो धेरै पटक भएको पनि छ । 

 

कुनै समारोहमा भाषण गर्ने क्रममा पाइन्टको जिपर खुलै भएको थाहा पाउनुभयो भने ? 

ए खुलेछ है भन्छु, त्यसबाहेक अरू के नै गर्न सकिन्छ र ?

 

सेभिङ गर्ने क्रममा आफ्नो कालो दार्‍ही सेतो भयो भने ? 

डाक्टरसँग कन्सल्ट गर्थें ।

एक दिनलाई गृहमन्त्रीमा नियुक्त हुनुभयो भने ? 

त्यो दिनभरीमा यो चोरी, चकारी र घूसखोरीले बनाएको सञ्जाल तोड्ने काम गरिन्थ्यो । 

आध्यात्मिक स्वभावको हुनुहुन्छ, परिस्थितिले तपाईंलाई जोगी बनायो भने ? 

परिस्थितीले जोगी बनाउने भन्ने शब्द नै गलत छ । जो परिस्थितिले जोगी बनेका हुन्छन् उनीहरू वास्तविक जोगी होइनन् । जोगी शब्द योगीबाट आएको हो । व्यक्ति योगी हुन सक्छ, जोगी हुँदैन । योगबाट योगी भएको हो । हरेक व्यक्ति एक दिन योगी बन्छ भने त्यसमा खराबी नै के छ र ? 

प्रकाशित :चैत्र ३, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्