सितलको मार्मिक गीतमा दिलिप र अनिता

- साप्ताहिक संवाददाता

फाल्गुन ५, २०७३-  

एउटी अबोध बालिकाको कलिलो उमेरमै निधन भएको वास्तविक घटनामा आधारित एउटा आधुनिक गीतको म्युजिक भिडियो सार्वजनिक भएको छ । गायक शितल कार्कीको स्वरमा रेकर्ड भएको नयाँ गीत ‘चिताक बिछ्यौना...’ मा उक्त दु:खद घटनालाई चित्रण गरिएको छ । सर्पको टोकाइबाट जीवन गुमाएकी ती अबोध बालिका गायिका शितल कार्कीकी भतिजी हुन् ।

 

विभिन्न टेलिभिजन च्यानल तथा यूट्युबमार्फत सार्वजनिक भएको उक्त भिडियोमा तराई मूलका एक दम्पत्तिले आफ्नो सन्तान गुमाएको विषयलाई चित्रण गरिएको छ । भिडियोलाई निर्देशक सुरेश थापाले निर्देशन गरेका हुन् । गायक कार्कीकै संगीत निर्देशनको उक्त गीतका शब्दहरु कुमार अजनबीले रचना गरेका हुन् । अभिनेता दिलिप रायमाझी तथा अनिता दंगालले निधन हुने सन्तानको बुवा–आमाको भूमिका निर्वाह गरेका छन् । उनीहरुको सन्तानको भूमिका प्रत्युष सुवेदीले निर्वाह गरेका छन् । यो गीत गायक कार्कीको एल्बम ‘ओस्कार’ मा समावेश गरिएको छ । बुद्ध थापाद्वारा छायांकन गरिएको यो भिडियोलाई सुरेश राउतले सम्पादन गरेका हुन् । यूट्युबमा यो भिडियो सङ्स नेपाल च्यानलबाट अपलोड गरिएको छ।

 

यस्तो छ भिडियो : 

प्रकाशित: फाल्गुन ५, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्