सारङ्गी दिवस सम्पन्न, सारङ्गीवादक गन्धर्वलाई जंगबहादुर गन्धर्व संगीत सम्मान

- साप्ताहिक संवाददाता

फाल्गुन २, २०७३

 

सारङ्गी सम्राट जंगबहादुर गन्धर्व संगीत प्रतिष्ठानले सारङ्गी दिवस मनाउँदै   सारङ्गीवादक कृष्ण गन्धर्वलाई ‘जंगबहादुर गन्धर्व संगीत सम्मान–२०७३’ प्रदान गरिएको छ । दश हजार राशिसहित गन्धर्वलाई दोसल्ला र सम्मानपत्र प्रदान गरिएको थियो । राजधानीको अनामनगरस्थिति विनायो क्याफेमा संगीतका हस्तीहरुका बीचमा भएको सारङ्गी दिवसमा नेपाल संगीत तथा नाट्य प्रज्ञा प्रतिष्ठानका कुलपति सरुभक्तको प्रमुख आतिथ्यता रहेको थियो । प्रमुख अतिथि कुलपति सरुभक्त र जंगबहादुर गन्धर्व संगीत प्रतिष्ठानकी संरक्षक  को हातबाट सारङ्गीवादक एवं गायक गन्धर्वलाई सम्मान प्रदान गरिएको हो ।

 

कार्यक्रममा संगीतकार सन्तोष श्रेष्ठले सारङ्गी सम्राट जंगबहादुर गन्धर्वको बारेमा स्पष्ट पार्दै रापतीको मात्र नभएर राष्ट्रकै सारङ्गी सम्राटका रुपमा परिचित हुनुपर्ने धारणा राखेका थिए । कार्यक्रमका विशिष्ट अतिथि गायक कुमार बस्नेत, संगीतकार बीबी अनुरागी, सारङ्गीवादक श्याम नेपाली, प्रस्तोता समाज नेपालका अध्यक्ष हेमन्त शर्मा, संगीतकार संघ नेपालका अध्यक्ष लक्ष्मण शेष, संघकै महासचिव महेश खड्का लगायतले जंगबहादुर गन्धर्वका बारेमा बाल्दै जंगबहादुर गन्धर्वाको योगदान भुल्न नहुने बताएका थिए । उनीहरुले सारङ्गी एउटा जातिको मात्र बाजा नभएर नेपाली मौलिक बाजाका रुपमा विश्वभरि चिनाउन सक्नुपर्ने र नयाा नयाा प्रयोगका साथ यसलाई वैज्ञानिक रुपमा प्रस्तुत गर्नुपर्ने बताएका थिए ।

 

कार्यक्रममा सम्मानित व्यक्तित्व कृष्ण गन्धर्वले सारङ्गी सम्राट जंगबहादुर गन्धर्वको नामको सम्मानले उर्जा मिलेको बताउादै उहााकै गीत गाउँदै सारङ्गी बजाएर स्मरण गरेका थिए । सारङ्गीवादक श्याम नेपालीले शास्त्रीय सारङ्गीवादन गरेर सारङ्गी दिवसलाई पूर्णता दिएका थिए । कार्यक्रम संगीत कला पत्रकार संघका उपाध्यक्ष लोकराज अधिकारीले संचालन गरेका थिए । 

प्रकाशित :फाल्गुन २, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्