तपाईं आफ्नो कुन सहकर्मीको के कुरामा ईष्र्या गर्नुहुन्छ ?

- साप्ताहिक संवाददाता

पुस ११, २०७३- 

मेरा गुरु केदार घिमिरे ‘माग्ने बूढा’ टेलिश्रृंखला होस् वा चलचित्र, निकै राम्रो लेख्नुहुन्छ । उहाँको जस्तो स्क्रिप्ट–लेखन कला ममा छैन । मैले नि त्यसो गर्न सके हुन्थ्यो भनेर डाहा लाग्छ ।

विल्सनविक्रम राई, हास्यकलाकार

निर्देशक प्रदीप भट्टराईको असल चरित्र देखेर ईष्र्या लाग्छ ।

रवीन्द्रसिंह बानियाँ, अभिनेता

कान्तिपुर पब्लिकेसन्सको कार्यालय देखेर, कस्तो राम्रो इन्टरियर !

आसिफ शाह, निर्देशक

साथीकी छोरीसँग, ऊ व्वाइफ्रेन्ड लिएर हिँड्ने भैसकी, आफ्नो अहिलेसम्म कुनै टुंगो लागेको छैन । 

जया ओझा, लेखिका

म जे छु ठीकै छु । मलाई कसैको ईष्र्या गर्न मन लाग्दैन ।

गौरव पहारी, नायक

अरूको ईष्र्या गरेर पनि कहिले उँभो लागिएला त ?

बनिश शाह, चलचित्र सम्पादक

साथी स्वेच्छा राउतको लेख्ने शैलीमा ईष्र्याभन्दा पनि लोभ लाग्छ । सामान्य कुरालाई सरल अनि बुझ्ने ढंगले लेख्ने खुबी छ उनमा ।

वर्षा बस्नेत, पत्रकार

मलाई निखिल उप्रेतीको लोकप्रियता देखेर डाह लाग्छ । मेरा पनि त्यस्तै प्रशंसक भैदिए हुन्थ्यो जस्तो लाग्छ ।

मौनता श्रेष्ठ, चलचित्र लेखक

मलाई मेरी प्रिय सखी गायिका जुना प्रसाईंको फिगर र हाइट देखेर मेरो पनि त्यस्तै भए हुन्थ्यो जस्तो लाग्छ ।

प्राश्ना शाक्य, गायिका

मेरो मित्र पूर्ण थापा, कार्यालय छुट्ने बित्तिकै घर पुग्छ । उसको त्यो बानीप्रति ईष्र्या पनि लाग्छ अनि प्रभावित पनि छु । म त्यसो गर्नै सक्दिनँ । 

रवि डंगोल, हास्य अभिनेता

मेरा सहकर्मीहरूमा कसैले असाध्यै राम्रो काम गरे भने प्रभावित भइन्छ र कहिलेकाहीँ मैले चाहिँ त्यो कुरा किन सोच्न सकिनँ भन्ने लागेर 

ऊ प्रति ईष्र्या लागेर आउँछ, 

मिठो ईष्र्या ।

चिराग वाङ्देल, चित्रकार/आरजे

साप्ताहिकमा मलाई किन केवल एक प्रश्न मात्र सोधिन्छ, अरूसँग त दर्जनौं प्रश्न सोधिन्छ ? त्यही कुराको ईष्र्या लाग्छ मलाई ।

प्रकाश पौडेल, गायक

ईष्र्याभन्दा पनि अभिनेता तथा संगीतकर्मी मानव सुवेदीको संगीत, गायन शैली एवं अर्गानिक लाइफ स्टाइलबाट प्रभावित छु । 

सुरक्षा पन्त, नायिका

मैले आफ्ना सहकर्मीहरूसँग कहिल्यै ईष्र्या गरिनँ, तर नफिज भन्ने साथी तथा सहकर्मीको आँखाको रंग र हाइटबाट प्रभावित छु ।

एकता थापा, कोरियोग्राफर/मोडल

जेम्स स्कुलका फाउन्डर तथा मेरा मामा राजेश खड्काको मेहनत तथा सफलताबाट पहिलेदेखि नै प्रभावित थिएँ र अहिले पनि छु । 

नीलडेविड कटुवाल, हेयर डिजाइनर

मलाई मेरो साथी विनय केटुको कुनै पनि रचनालाई एकैछिनमा कम्पोज गरिदिने खुबी देखेर ईष्र्या लाग्छ । 

साशन कँडेल, गायक/निर्देशक

मेरी अर्धाङ्गिनी तथा सहकर्मी दुर्गिश थापाको तत्काल निर्णय गर्न सक्ने क्षमता देखेर ईष्र्या लाग्छ । 

सुनिल रावल, निर्मात

प्रकाशित :पुस ११, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्