'मिष्टर टुरिजम वल्र्ड २०१६' मा नेपालका सर्ज संगीत श्रेष्ठ उप-विजेता

- रोजिन शाक्य

मंसिर ३०, २०७३

 

हालै फिलिपिन्सस्थित भेगान कन्भेन्सन सेन्टरमा संचालन भएको पहिलो संस्करणको मिष्टर टुरिजम वल्र्ड २०१६ प्रतियोगितामा नेपाली प्रतिनिधि सर्ज संगीत श्रेष्ठलाई फस्र्ट रनर अप स्थानमा सफलता प्राप्त भएको छ । 

संगीतले प्रतियोगितामा डार्लिङ अफ प्रेस विधाको अवार्ड पनि हात पारेका छन् । हेटौंडा निवासी संगीत यस अघि सन् २०१२ को मिष्टर नेपाल प्रतियोगितामा पनि फस्र्ट रनर अप विजेता बनेका थिए । फेसनमान्डूका ब्रान्ड एम्बेसडर समेत रहेका संगीतले संचार क्षेत्रमा पनि अनुभव संगालेका छन् । मिष्टर टुरिजम वल्र्ड २०१६ का विजेता भने म्यानमारका ये टु विन बने । उनले मुख्य उपाधि बाहेक मिष्टर स्पीकर, मिष्टर सोसल मिडिया तथा मिष्टर स्टाइल एण्ड फेसनको अवार्ड पनि जित्न सफल भए । 

प्रतियोगितामा ब्राजिलका टिज इमिलियानो सेकेन्ड रनर अप तथा फिलिपिन्सका कियान सुमाक थर्ड रनर अप घोषित भए भने थाइल्याण्डका खुनफान सुफाचोक फोर्थ रनर अप विजेता बने । मिष्टर इको वल्र्ड २०१६ को विशेष अवार्ड भने भियतनामका हिन मारियोले जिते । 

 

प्रकाशित :मंसिर ३०, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्