जोसँग पैसा हुन्छ उनीहरूसँग दिमाग हुँदैन

- साप्ताहिक संवाददाता

मंसिर १२, २०७३

 

यति कष्ट गरेर विदेश जानुभन्दा स्वदेशमै कुनै व्यवसाय गर्नु उपयुक्त हुन्छ (फ्रन्टपेज : सहज छैन वैदशिक रोजगारी) । लास बनेर फर्कनुभन्दा आफ्नै भूमिमा पसिना बगाऔं । देशमै विकल्प खोजौं ।

सरोज कँडेल, रोहित काफ्ले

जोसँग पैसा हुन्छ उनीहरूसँग दिमाग हुँदैन (पत्याउनुहुन्छ ? महँगो जुत्ता) । शास्त्रदत्त पन्त 

पुरस्कृत सबैलाई बधाई छ (विन्ध्यबासिनीको सम्मान) । नेपाली कला, संगीत एवं साहित्य क्षेत्र फस्टाओस् । 

सुमन कार्की

नेपालजस्तो स्लो इन्टरनेट भएको ठाउँमा यसको के काम ? (साइन्स एन्ड टेक्नो : अब टिभी हैन, आइपी टिभी) इन्टरनेट सबैको पहुँचमा पुगिसकेको छैन । 

तेजेन्द्र लामा

यो वास्तविक कुरा हो (अनुभूति : घर न घाटका एनआरएन) । मैले पनि अनुभूति गरेको छु । असहज छ विदेश । धेरैको कथा हो यो । 

रेशम बिसी, सीता राई, राजीव अवस्थि, रोहित प्रकाश

आफ्नो स्वार्थ मिलुन्जेल नेताहरूबिच सहमति भैहाल्छ (गजुरियल विश्लेषण : क्यान्सरमा राष्ट्रिय सहमति) । राष्ट्रिय हितमा पो सहमति हुँदैन त ।

सोनी पौडेल

जीवनमा दु:ख–सुख बाँड्ने मानिस त हुनैपर्छ (युवा मन : दु:ख बाँड्ने मान्छे) । तब पो जिउनुको मजा हुन्छ । एक–अर्कालाई अघि बढ्न बल पुग्छ ।

कला पहरी

नेपालमा सम्भावना नभएपछि मानिसहरू बिदेसिन बाध्य भए । (अन्तर्वार्ता : ब्रेन डेनको समस्या सबैभन्दा जटिल छ) तर विदेशबाट फर्किएर राम्रो सम्भावना भएका तपाईं जस्ता उदाहरणीय व्यक्तिहरू पनि छन्, जसबाट केही सिक्न सकिन्छ ।

पवन संग्रौला

लेख पढेपछि छर्लङ्ग भयो, अमेरिका सोचेजस्तो रहेनछ (मुक्त आकाश : आहा † अमेरिका, आत्था अमेरिका) । त्योभन्दा त नेपाल नै बस्नलायक रहेछ ।

आश्मा कोइराला

असिम र सोनिराको जोडी जमेको छ (असिम र सोनिराको जोडी) । यो जोडीलाई बधाई एवं शुभकामना । 

बबिता श्रेष्ठ

सामाजिक सञ्जालबाट कसरी ठगी हुने रहेछ (अपराध : फूल एक माली दुई) । यो रिपोर्ट पढेपछि स्पष्ट भइयो । यसले धेरैलाई सतर्क पनि गराएको छ । 

अजय त्रिपाठी

फेसबुक फन्डा रमाइलो लाग्यो ।

बिमल क्षेत्री

ओहो † यति महँगो मोबाइल (पत्याउनुहुन्छ ? महँगो मोबाइल) । अचम्म लाग्यो, हुन त धनीका कुरै बेग्लै ।

भूपी साउद 

रवीन्द्रजी, त्यतिका पैसा डुबाउनुभन्दा त नेपालमै पढेको भए हुने थियो नि (साहित्य : नाइँ, म अमेरिका जान्नँ) । बेकारमा पैसा बर्बाद भयो ।

मधुकर

प्रकाशित :मंसिर १२, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्