विवाहको केही वर्षपछि किन दम्पतीबीचको सम्बन्ध उस्तै रहँदैन ?

- साप्ताहिक संवाददाता

मंसिर १, २०७३

 

सुरुमा एक–अर्कालाई प्राप्त गर्न दुवै पक्ष व्यग्र हुन्छन् । पाइसकेपछि दुवै वाक्क, ब्याक्क, दिक्क हुन्छन् । अरू नै कुराले प्राथमिकता पाउँदै जाँदा दुवैमा चाहना हराउँदै जान्छ । सबैमा त्यस्तै हुन्छ ।

अगेन बोम्जन

विश्वासको कमी भएर ।

कर्मा गिग्स

नजिकको तीर्थ हेंला हुन्छ । 

बुल्बुल

घरकी मुर्गी दाल बराबर भएर ।

रामजी बोहोरा

नाटक बढी हुन्छ । 

रबिन

विवाह गरेपछि थाहा होला । म अहिलेसम्म अविवाहित नै भएकाले केही जानकारी भएन है । 

गणेश खनाल

जे कुरा पनि नयाँमै महत्वपूर्ण हुन्छ । जस्तै, सुन पनि सुरुमा किन्दा नम्बरी हुन्छ । दुई महिना राख्नुस्, नलगाई आफूले बेच्नुपरे छापावाल भनिन्छ । मैले सम्बन्धलाई सुनसँग दाँज्न खोजेको भने होइन । यो परिवर्तित सोचको परिणाम पनि हो र यसलाई रोक्न पनि सकिँदैन ।

अजित कुमार

 

कतिपय सम्बन्ध त पछि गएर अझ प्रगाढ पनि भएका छन् नि †

प्रसन भुजेल

नेपालीको बानी नयाँ कपडा किन्यो, पहिले–पहिले पार्टीतिर हिंड्दा लगाउँछन् । अलि थोत्रो भएपछि घर बस्दा लगाउन थाल्छन्, अझ थोत्रो भएपछि भान्छाको टालो बनाउँछन् । साह्रै भएपछि कि त्यसले बाइक पुच्छन्, कि गाडी । कुरा बुझ्नु भो नि ?

सञ्जीव बराल

विवाहको केही वर्षपछि सम्म दम्पतीबीचको सम्बन्ध उस्तै रहनु ठीक पनि होइन ।

दिलीप तामाङ

बिस्तारै श्रीमान्–श्रीमतीको आनीबानी बुझ्दै गइन्छ, त्यसैले होला ।

भरत खनाल

सधैं दाल–भात उत्तिकै स्वादिलो हुँदैन नि †

सूर्य

यो प्रश्न नै गलत छ ।

अमि कँडेल

मलाई लाग्छ, विवाह भनेको कृत्रिम सम्बन्ध हो ।

भाइ हरि

सधैं एउटै तरकारी कति खानु जस्तो भएर पो हो कि ?

केदार बोगटी

माया भनेको चुइगमजस्तै हो । सुरुमा गुलियो, मीठो, पछि खाँदै जाँदा दिक्दारीले भरिपूर्ण, रसबिनाको, बोरिङ । दाम्पत्य जीवनमा पनि त्यही नियम लागू हुन्छ । 

टंकराज लिम्बू

घरकी मुर्गी दाल बराबर– सम्भवत: यही सोचले होला । 

क्वाइट बेबी

एक–अर्काप्रति विश्वास नभएर । 

सुदिप भुजेल

आँखा लोभी मन पापी भएर ।

गणेश विश्वकर्मा

खै, व्यवहारमा फसेर हो कि ?

दिवस

के भन्नु हजुर ! आफूसँग त विवाहकै अनुभव छैन । 

क्रिस लामिछाने

नचाहिँदो चाहनाले गर्दा । 

सुनिल श्रेष्ठ

सन्तानको जन्मपछि सन्तान जन्मिनुपूर्वको व्यवहार नपाएर ।

कमल

उखु सुरुमा खाँदा जति मीठो हुन्छ रस चुसिसकेपछि किन हुँदैन ?

तिखे

आफूले आफैंलाई सुधार्न नसकेर । 

रामजी ओझा

दम्पती मात्र होइन, हरेक सम्बन्धमा यस्तो हुन्छ । दम्पतीको जुन कुरा छ, मानिसहरू प्राय: अर्काको राम्रो देख्छन् । त्यसैले पो हो कि ?

भुइँमान्छे

मायामा उतारचढाव आइरहन्छ, होइन र ?

अमितजंग क्षेत्री

विवाहपछि एक–अर्काका नकारात्मक पक्ष पनि स्वीकार गर्न सक्नुपर्छ, जसलाई विवाहअघि नजरअन्दाज गरिन्छ ।

अनुप

 

यो कुरा विवाह गरिसकेकाहरूलाई थाहा होला । अविवाहितहरूलाई थाहा हुने कुरा भएन । 

प्रतिभा

हरेक कुराको महत्व त्यसको प्राप्तिपछि घटिहाल्छ नि । यसमा पनि त्यही भएको हो ।

ललिता साह

सम्बन्ध सुमधुर नभएर पनि हुन सक्छ । 

सन्तोष पहरी

आशा एवं अपेक्षा बढ्दै गएपछि नयाँको खोजी गर्न मन लाग्छ । त्यही भएर पनि सम्बन्ध उस्तै नरहेको हुन सक्छ ।

अमितमान 

हरेकले समयअनुसार नयाँ स्वाद लिन चाहन्छन् ।

शिखा

समयअनुसार सबै कुरा फेरिन्छन् । मानिस सधैं नयाँ सम्बन्ध एवं नयाँ कुराको खोजीमा हुन्छ ।

रोशन दाहाल

 

प्रकाशित :मंसिर १, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्