तीन रुवाइ

- किशोर अविदित

कार्तिक २७, २०७३

 

अर्काको दोष मात्र गनेरै सकिने भो

तेस्रोलाई दुस्मन भनेरै सकिने भो 

हाम्रो त्रिकोणात्मक प्रेमकथा

सर्प, बिच्छी र भ्यागुतो बनेरै सकिने भो ।

मातृत्वकै विरुद्धमा, भाव राखिदिई

हराभरा हुनै लाग्या थ्यो, अभाव राखिदिई

पतिले बच्चाको नामसम्म, सोचेको थियो

पत्नीले गर्भपतनको, प्रस्ताव राखिदिई ।

 

आफ्नै कमजोरीका वार्तालाप सहन्छ 

बाहिर छ, कोठाभित्रको सब पाप सहन्छ 

उसकै कमाइले घर चल्ने बुझेर 

वेश्याको पतिले चुपचाप सहन्छ ।

प्रकाशित :कार्तिक २७, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्