दसैं कसरी मनाउने योजनामा हुनुहुन्छ ?

- साप्ताहिक संवाददाता

आश्विन २३, २०७३

 

बाटो डरलाग्दो छ । वर्षा रोकिएको छैन । थोत्रो गाडीको छतमा कोचिएर जानु छ । ज्यूँदै गाउँ पुगिएछ भने मृत्यु जितेको खुसी मिसाएर मनाउँला ।

छिचिमिरो

यो दसैं अरू वर्षभन्दा केही फरक रहनेछ । पोहोर साल हजुरआमाले दिनुभएको आशीर्वादको निकै सम्झना आउनेछ, उहाँको देहावसानको शोकमा ।

मेलिना श्रेष्ठ

खै हौ दसैं नि आजकल वास्तै हुन्न, केटाकेटी छँदा पो रमाइलो हुन्थ्यो ।

येइन्सा नेम्बाङ

जिन्दगीमा सधैं रमाइलो हँुदैन, तसर्थ यो दसैं अरू कुरा भुलेर मनाउने मन छ । 

युवराज रेग्मी

स्कुलका साथीहरूसँग भेट्ने योजना छ । 

युवा जिना

टीका–जमरा लाएर, सेल–रोटी खाएर तथा मान्यजनको आशीर्वाद लिएर रमाइलोसँग मनाउने विचार छ ।

निर्मल खनाल

आफ्नै जन्मस्थानमा आमाबाबु एवं मान्यजनहरूको हातबाट टीका लगाई रमाइलो गरी मनाउने योजनामा छु ।

कुर्घेली कृष्ण

धेरै वर्षपछि गाउँ जाँदै छु । पुराना साथीहरूसँग रमाइलो गर्ने योजना छ । रोटेपिङ पनि खेलिन्छ ।

हुन नसकेको पत्रकार 

 

खेतमा धान झुलिसक्यो, फूलपातीमा धान काट्न गइन्छ ।

सन्तोष घाप्पा

नयाँ कपडा, मीठो खाना, रातो टीका अनि जमरा र पिङ । देवीको अशीर्वाद थाप्ने त छँदै छ ।

प्रतीक रवीन्द्र

इष्टमित्रसँग भेट्घाट गरी रमाइलो गर्ने योजना छ ।

फरिस्ता न्यौपाने

नयाँ लुगा–टीका लगाउने, पैसो कमाउने, आशीर्वाद थाप्ने, पिङ खेल्ने, मामाघर जाने, फोटो खिच्ने ।

श्रवण

 

सबै दु:ख, पीर भुलेर खुसी र उमंगका साथ भव्य रमाइलो गर्ने विचार छ ।

हिमाल पुरी

प्रवासीलाई त ‘कागलाई बेल पाक्यो हर्ष न बिस्मात’ भने जस्तो मात्र हुन्छ । 

जिज्ञासु

मान्यजनकहाँ टीका लगाई आशीर्वाद लिने, साथीभाइहरूसँग घुमघाम गर्ने, कम खर्चिलो तरिकाले मनाउने ।

गणेश घिमिरे

नयाँ नाना, जुत्ता आदि किन्ने, चिची–माम खाने, पिङ खेल्ने, टीका लाउने ।

मोनिका

यसपालि स्कुटी किनिदिँदै छन् घरकाले । आफूलाई त त्यसै दसंै ला’छ हेर्नुस् । 

मनु

 

साथीभाइ–इष्टमित्रहरूसँग भेट्घाट गरी रमाइलो गर्ने योजना छ ।

दिवस तामाङ

एउटा साहित्यिक कृतिलाई जन्म दिने सोच छ । 

महेन्द्र विष्ट

पीङ खेलेर, मासु खाएर, मान्यजनको हातबाट टीका लगाएर, आशीर्वाद थापेर । मामाघर जाने अनि तास पनि खेल्ने योजना छ । 

अन्तिम 

दसैं हैन, दशा हो । शोक मनाइन्छ अब ।

पहाडी सामन्ती बाहुन

साथीहरूसँग तास, लुडो, क्यारिमबोर्ड आदि खेलेर मस्ती गरिन्छ । बेलुकातिर सबै जना मिलेर कुखुराको साँप्रोसँगै चुस्की लगाइन्छ । 

शंकर

घर–परिवारसँगै बसेर मीठो–मसिनो खाने, चन्द्रागिरि केबलकार चढ्ने ।

नरेन्द्र रोकाया

सामान्य तरिकाले मनाउने सोचमा छु ।

मुक्तिनाथ चन्द

यसपालिको दसैंमा खुब रमाइलो गरिन्छ ।

तामाङ कान्छाराम

चाडबाडमा झै–झगडा धेरै हुने भएकाले सतर्क रहन्छु । आफूलाई शान्ति मन पर्छ ।

प्रशान्त अधिकारी

ठूलो गोजी भएको ज्याकेट लगाएर मामाघर जाने अनि त्यो गोजी पैसाले भरेर फर्कने विचार छ ।

उदय अधिकारी

प्रकाशित :आश्विन २३, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्