आर्यनलाई मन पर्ने निर्देशक

- साप्ताहिक संवाददाता

श्रावण २४, २०७३

 

दिनेश राउत

युवा निर्देशक दिनेश राउतमा प्रशस्त निर्देशकीय क्षमता छ । समयसापेक्ष चलचित्र बनाउन जान्ने तथा राम्रो चलचित्र बनाउन कुनै पनि सम्झौता नगर्ने निर्देशकका रूपमा पनि म राउतलाई मन पराउँछु । 

 

लक्ष्मण रिजाल 

नयाँ–नयाँ कन्सेप्टमा चलचित्र बनाउन चाहने, चरित्रलाई समेटेर चलचित्र बनाउन खोज्ने यी निर्देशकमा पनि प्रसस्त सम्भावना छ । 

 

उज्वल घिमिरे

पुरानो समयका निर्देशक भए पनि आफूलाई समयअनुसार परिवर्तन गर्दै आएका निर्देशक हुन्– उज्वल घिमिरे । कलाकारलाई निचोरेर अभिनय गराउन सक्ने क्षमता यी निर्देशकसँग छ ।

 

सवीर श्रेष्ठ

निर्देशक सवीर श्रेष्ठ प्राविधिक रूपमा समेत उत्कृष्ट छन् । श्रेष्ठमा कलाकारलाई सहजै काम गराउन सक्ने क्षमता छ । 

 

बबी भुपाल सेन 

यी निर्देशक शिक्षित छन् । म उनलाई चलचित्रको मर्म राम्रोसँग बुझ्ने निर्देशकका रूपमा चिन्छु ।

 

मुस्कान ढकाल

लामो संघर्षपछि निर्देशक भएका व्यक्ति हुन्– मुस्कान ढकाल । निर्देशक बन्न संघर्ष गरेकै कारणले होला उनमा पर्याप्त प्रतिभा छ । 

 

निरक पौडेल

सानैदेखि चलचित्रको परिवेशमा हुर्किएकाले होला निरक पौडेलमा एक प्रकारको प्यासन छ । अझ बढी सक्रिय भए निरकले अझै उत्कृष्ट चलचित्र दिन सक्छन् । 

दयाराम दाहाल

मलाई दयाराम दाहालको कार्य शैली मनपर्छ । म दाहाललाई काममा असाध्य तेज तथा प्राविधिक रूपले पनि उत्कृष्ट निर्देशकका रूपमा चिन्छु । व्यक्तिगत रूपमा समेत दयाराम दाहाल मलाई सहज लाग्छन् । 

 

प्रकाशित :श्रावण २४, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्