मिस्टर वल्र्डसम्म पुग्नु नै ठूलो कुरा

- साप्ताहिक संवाददाता

श्रावण १६, २०७३-

यो भएन (खेलकुद : रियो ओलम्पिकमा सात नेपाली) । म्याराथनमा मीरा राईलाई किन सहभागी नबनाइएको ? हामी जान्न चाहन्छौं । जुन खेलाडीबाट सम्भावना छ, उसैको वास्ता छैन ।

सिम राई

अलिसाजी, तपाईंको बाटो खुल्यो (समाचार : पदार्पणको तयारी) । अब आफ्नो क्षमता देखाउने बेला आयो— सफलताको शुभकामना ।

अजय कार्की

नेपाली नारीले अमेरिकाका मानसिक रोगबाट ग्रंसित बालबालिकाहरूलाई चित्रकलाको प्रशिक्षण दिनु ठूलो कुरा हो (सुनिलाको अद्भुत प्रयास) । गर्व गर्न लायक नेपाली संसारभर फैलिएका छन् ।

प्रकाश सापकोटा

साप्ताहिकमा विज्ञापन अलि बढी भयो कि ? पाठकहरूको रुचिका सामग्री तथा स्थायी स्तम्भहरू छुटाउनु भएन । 

डेभिड श्रेष्ठ

लोकसेवा आयोगले वार्षिक कार्यतालिका सार्वजनिक गरेर मात्र भएन (समाचार : लोकसेवा आयोग वार्षिक कार्यतालिका सार्वजनिक) । त्यसअनुरूप काम पनि गर्नुपर्‍यो ।

लक्ष्मण बीसी

मिस्टर वल्र्डसम्म पुग्नु नै ठूलो कुरा हो (मिस्टर वल्र्डमा गणेश) । पिछडिएको देशबाट पनि यति सफलता हासिल गरेकोमा बधाई छ ।

कुलचन्द्र भाट

चलचित्रको चटारोले होला नि (समाचार : भूमिगत भए सौगात र दया) । आफ्नै परिवारका सदस्यहरूसँग भेट्न त मुस्किल छ, अरूसँग भेट्न झन् गार्‍हो भैरहेको होला ।

मिलन सोताङ राई

साप्ताहिकले युवाहरूलाई सर्वाधिक सूचना प्रदान गरी अघि बढ्न प्रेरणा प्रदान गरेको छ । उत्प्रेरणा दिने खालका स्तम्भ अझ बढी भए उत्तम हुने थियो ।

पर्वत स्पर्श, द्रोण कान्छो

नयाँपन, नयाँ विषयवस्तुहरू दिन सकेनन् भने अब गार्‍हो छ (पुन: रोकिए हास्य शृङ्खलाहरू) । अब जमाना धेरै अघि बढिसकेको छ ।

विनोद शर्मा

साप्ताहिकमा थपिएका नयाँ स्तम्भहरू राम्रा लागे । रोचक एवं पठनीय विषयवस्तुहरूलाई निरन्तरता दिनुहोला ।

वसन्त घिमिरे

यो रियालिटी शोले धेरै राम्रा प्रतिभा जन्माओस् (टेलिभिजन : आई क्यान डान्स) । धेरैका लागि यो आफ्नो प्रतिभा देखाउने थलो बनोस् ।

माधव तिवारी

नेपालमा फोरजी ल्याउने तयारी पहिल्यैदेखि भैरहेको थियो (फोरजीको तयारी) । छिट्टै यसको सेवा–सुविधा उपभोग गर्न पाइयोस् । 

सुनिल भट्टराई

 

प्रकाशित :श्रावण १६, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्