३५ सन्तानका पिताको एक सय पुर्‍याउने चाहना

- एजेन्सी

असार २१, २०७३

पेसाले मेडिकल टेक्निसियन पाकिस्तानका जोन मोहम्मद खिलजी (४६) ले एक सय जना सन्तानको पिता बन्ने चाहना राखेका छन् ।

तीन जना श्रीमतीबाट पैतीस सन्तानका पिता भैसकेका जोन अब चौथो श्रीमतीको खोजीमा छन् । मुस्लिम देशमा एकभन्दा बढी विवाहलाई सामान्य रूपमा लिइन्छ । हिन्दुस्तान टाइम्सका अनुसार सरदार जोन मोहम्मदले आफू एकभन्दा धेरै विवाह गर्ने र धेरै सन्तान जन्माउने मामिलामा रेकर्डधारी नै हुने चाहना व्यक्त गरेका छन् ।

जोनले भनेका छन्– ‘अहिले मेरा ३५ सन्तान छन्, ती सबैको नाम मलाइ सम्झना छ ।’ उनले आफ्ना तीन श्रीमती आपसमा मिलेर बसेका र १ सय जना सन्तानको बाबु बन्ने आफ्नो चाहनालाई उनीहरूले सहयोग गरिरहेको जनाएका छन् ।

 

प्रकाशित :असार २१, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्