मोवाइलमा डाटा बचत गर्ने तरिका

- साप्ताहिक संवाददाता

असार १, २०७३

हामी स्मार्टफोनबाट फेसबुक वा अन्य विभिन्न प्रकारका एप्स चलाउँछौं । कतिपयले थोरै डाटा चलाएको समयमा पनि धेरै पैसा खर्च भएको गुनासो पनि गर्छौ । यद्यपि डाटा बचत गर्न हामीले पनि केही उपाय अपनाउनु आवश्यक छ । 

नचाहिंदा नोटिफिकेसन अफ    

ब्याकग्राउन्डमा कुनै पनि एप खुलेको हुनु हँुदैन । त्यसैले धेरै जरुरी एप्सलाई मात्र अन राख्नुपर्छ । ती एप्लिकेसन अफ गरेर राखे मोबाइल डाटा कम खपत हुनुका साथै ब्याट्री पनि कम खर्च हुन्छ ।

ह्वाट्सएपमा अटो डाउनलोड

यदि ह्वाट्सएप चलाउनुहुन्छ भने त्यसमा भएको अटो डाउनलोड फिचर अन भयो भने पनि धेरै डाटा खर्च हुन्छ । त्यसैले ह्वाट्सएपको सेटिङमा गएर इमेज अटो डाउनलोडलाई अफ गर्नुपर्छ । त्यसैगरी वाइफाईमा मिडिया डाउनलोड अप्सन पनि हुन्छ, जसको प्रयोग गर्न सकिन्छ । 

अनलाइन गेमिङ

स्मार्टफोनमा गेम खेल्नु भन्दा पहिले मोबाइलको डाटा अफ गर्नुपर्छ । यति गरे गेम खेलिरहेका बेला कुनै विज्ञापन वा पपप्स एड आउँदैन र डाटा बचत हुन्छ । 

एप्सको अटो अपडेट अफ

डाटा अन भए विभिन्न प्रकारका एप्सहरू अटो अपडेट हुँदै जान्छन् । त्यसैले गुगल प्ले स्टोरको सेटिङमा गएर अटो अपडेटलाई अफ गर्नुपर्छ । यसबाट जरुरी एप्स मात्र अपडेट गर्न सकिन्छ । 

 

प्रकाशित :असार १, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्