मृत सागर र म

- भगवती बस्नेत

जेष्ठ ३२, २०७३

मृत सागर, 

तँ आफ्नै जीवनको अपेक्षामा उर्लन्छस्

म मेरो मर्म र पीडा ओकल्न 

आफ्नो बैंस र रहरहरूमा उर्लन्छु

भलै तेरो गन्तव्य बालुवाको धारमा हराउने गर्छ 

म भावनाको चेतनामा आफूसँग खुसी साट्ने गर्छु

तैपनि ममा कुनै कमी छैन 

भावना नै सही 

म सधैँ आफ्नो खुसीमा नै मस्त छु

जसरी प्रचुर जवानीका युगलहरू रमाईरहन्छन् ।

मृत सागर,

तँ मरेको नाम लिएर पनि 

सधैं जीवन्त छस् 

त्यसरी नै म पनि 

आफ्नो स्थान र वर्चस्वमा 

हजारौं पीडा खेपेर पनि 

समयसँग पौंठेजोरी खेल्दै 

यस संसारलाई मुटुभरि सजाएर 

प्रेमको फूल फुलाउँछु

त्यो पनि 

कहिल्यै नओइलाउने गरी ।

प्रकाशित :जेष्ठ ३२, २०७३

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्