तपाईँ पराकम्पसँग डराउनुभएको छ कि नाकाबन्दीसँग ?

- साप्ताहिक संवाददाता

मंसिर १७, २०७२

डर त मलाई मान्छेसँग लाग्न थालेको छ । अभाव र त्रासले मानिसहरूको असली रूप बाहिर आउन थालेको छ ।

शान बस्नेत, चलचित्र लेखक

प्रकृतिभन्दा त मानिसबाट निर्मित वस्तुहरूसँग बढी डर लाग्दो रहेछ । पराकम्पभन्दा मलाई ठूला भवनहरूसँग डर लाग्छ । प्राकृतिक विपत्तिभन्दा नाकाबन्दीकै डर बढी लाग्छ । मलाई मृत्युभन्दा हत्याको त्रास बढी छ ।

निशा अधिकारी, नायिका

भूकम्प प्राकृतिक हो भनेर चित्त बुझाइन्छ, तर जानाजानी दु:ख दिने मनसायले गरिएको नाकाबन्दीसँग चाहिँ बढी डर लागेको अवस्था ।

ऋचा शर्मा, नायिका

यति डराइयो कि अब त डर भन्ने कुरा नै पचिसकेको छ । भूकम्प, नाकाबन्दी र पराकम्पले ममा जस्तोसुकै अवस्थासँग पनि जुध्न सक्ने क्षमता बढेको महसुस भएको छु । जनताभन्दा हाम्रा नेताहरूको खुट्टा ठोस निर्णय लिन लगलग काँपेको पो हो कि ?

सलोन बस्नेत, नायक

दुईवटैसँग, मतलब : पराबन्दी ।

केदार घिमिरे, माग्नेबुढा

सहनशील बानी भएकाले सहन सक्छु, डर लाग्दैन । डराएर पनि के गर्नु ?

मनोज पन्त, रेडियोकर्मी

न पराकम्प, न नाकाबन्दी म केहीसँग डराउँदिनँ, किनभने म नेपालीको छोरो हुँ ।

अमृत सुनुवार, छायाँकार

यी दुईभन्दा बढी डर सभासद्हरूसँग लाग्छ । भूकम्पले त झ्याप्पै मार्ला, तर यिनीहरूको अदूरदर्शिताले हामीलाई बिस्तारै–बिस्तारै मार्दैछ ।

दीपकराज गिरी, हास्यकलाकार

नाकाबन्दी नि । 

सोनी केसी, मोडल

डरभन्दा पनि बरु यो वर्ष भूकम्प, पराकम्प र नाकाबन्दीले हामीमा समस्यासँग लड्न सक्ने साहस बढाएको छ ।

गम्भीर विष्ट, नृत्य निर्देशक

 

प्रकाशित :मंसिर १७, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्