तिहारको के मन पर्छ के मन पर्दैन

- साप्ताहिक संवाददाता

कार्तिक २२, २०७२

वर्षा शिवाकोटी, अभिनेत्री

मन पर्छ 

परिकार : मीठो र विविध परिकार खान पाइन्छ, जुन परिकार अरू बेला कमै खाइन्छ । 

अवसर : तिहारलगत्तै पुन: दैनिक कार्यमा लाग्नुपर्ने भएकाले अब यो छोटो समय रमाइलो गरौं भन्ने लाग्छ, जसले गर्दा तिहारका हरेक दिन विशेष लाग्छन् । 

भाइटीका : भाइटीकाको दिन दाजुभाइको महत्व थाहा हुन्छ । 

पूजा : तिहारमा पशु–पन्छीदेखि लिएर भगवान्सम्मको पूजा गरिन्छ, जुन तिहारको उत्कृष्ट पक्ष हो ।

मन पर्दैन 

खाना : मीठा परिकारहरू पाक्ने भएकाले खानामा नियन्त्रण हुँदैन जुन स्वास्थ्यका दृष्टिकोणले पनि ठीक होइन । 

देउसी–भैलो : अनावश्यक भीड जम्मा भएर घर–घरमा गै दु:ख दिने काम मन पर्दैन । आफूले चिनेको ठाउँमा मात्र देउसी खेल्नु उचित हो । 

सुरक्षा : चारैतिर उज्यालो र झिलिमिली भएकाले राति ढिलासम्म मानिसहरू हल्ला गरेर हिँडेको देखिन्छ, जुन सुरक्षित हुँदैन । 

भाइटीका : दाजुभाइ नहुनेहरूलाई भाइटीकाको दिन असाध्यै खल्लो अनुभव हुन्छ, यो तिहारको निराशाजनक पक्ष हो ।

प्रकाशित :कार्तिक २२, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्