तिहारको के मन पर्छ के मन पर्दैन

- साप्ताहिक संवाददाता

कार्तिक २०, २०७२

रणजीत झा, गायक

मन पर्छ

बिदा : तिहारमा पाइने तीन–चार दिनको बिदा अमूल्य लाग्छ । बिदामा आरामले सुत्न पाउँदा आनन्द हुन्छ ।

रमाइलो : परिवारका सदस्यसँग बस्न, मन लागेको ठाउँमा घुम्न तथा आफूलाई मन परेको संगीत सुन्दै रमाइलो गर्न पाइन्छ ।

देउसी–भैलो : देउसी–भैलो खेल्न आउने विभिन्न समूहसँग तालमा ताल मिलाएर नाच्न–गाउन पाउँदा असाध्यै रमाइलो हुन्छ ।

दियो : लक्ष्मीपूजासहित तिहारका पाँचै दिन घरभरि दियो बलेको दृश्य रमणीय लाग्छ ।

मन पर्दैन

खर्च : दसैंमा भन्दा तिहारमा बढी खर्च हुन्छ ।

अस्पताल : म चिकित्सा पेसा छु, घरमा रमाइरहँदा बीच–बीचमा अस्पताल जानुपर्ने हुँदा नरमाइलो लाग्छ ।

तास : रमाइलो गर्ने भन्दै खेलिने तास र जुवाका ठूल्ठूला खेल मन पर्दैन ।

नाचगान : देउसी–भैलो खेल्ने क्रममा पार्टीगत गीत गाउने, नेपाली गीतको साटो हिन्दी तथा अंग्रेजी गीतमा उफ्रने शैली मन पर्दैन । 

प्रकाशित :कार्तिक २०, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्