नेपालले नयाँ संविधान पाएपछिको अवस्था तपाईंलाई कस्तो लागिरहेको छ ?

- साप्ताहिक संवाददाता

आश्विन १९, २०७२

 

सबैलाई समेटेर गएको भए राम्रो हुने थियो  ।

योको खड्का

यो संविधान जनताको पक्षमा छैन  । यो तीन दलको भागबन्डाको दस्तावेज मात्र हो  ।

विष्णुप्रसाद दुवाल

कागलाई बेल पाक्यो हर्ष न बिस्मात  । सर्वसाधारणलाई केही असर पर्दैन  ।

अमिस ढुंगाना

काउसोको झाङमा ऐंसेलु पाकेजस्तो लाग्यो  ।

प्रेम रायमाझी

जनताको मतको अवहेलना र नेताको पेलाइजस्तो लाग्यो  । यो संविधानले नेपाल र नेपालीको भविष्य राम्रो बनाउँदैन  ।

विश्व क्षेत्री

देश अब आर्थिक विकासमा लाग्छ भनेर खुसी लागेको छ  । दु:ख यो कुरामा छ कि तराईमा बस्नेहरूलाई पनि मिलाएर उनीहरूले पनि दिपावली गर्ने वातावरण बनाइएको भए हुने थियो  ।

राजकुमार न्यौपाने

नहुनु मामाभन्दा कानो मामा बेस भनेझैं भैरहेको छ  । 

शेर्पा नुरु पिनासा

एकदम खुसी लागेको छ  । अब पाउँछ देशले निकास र विकास  ।

राजभाइ

अचम्म लागिरहेको छ  । कति वर्ष टिक्ने हो, सोचिरहेको छु  ।

मंगोलियन सम्राट

नेताहरूले आफूअनुकूल बनाएका छन्  । उनीहरूका लागि त स्वर्ण पुस्तिका नै हो  । नेपालमा रजाइँ गर्ने अघोषित दस्तावेज हो यो  । यो संविधान सम्पूर्ण नेपालीका लागि होइन  । त्यसैले दु:खका साथ भन्नुपर्छ, नेपाल बर्बाद हुने भयो  ।

सुनिल गुप्ता

अब देशमा शान्ति र विकास हुनुपर्छ  । म खुसी छु  ।

रत्न नेपाल

खुसी लागिरहेको छ  । नयाँ नेपाल बन्ने भयो  । यो ठूलो कुरा हो  । 

चूडामणि धामी

चित्त नबुझ्नेले चुनावमा दुईतिहाइ ल्याएर आफूले भनेजस्तै संशोधन गरे भयो  । संविधानलाई स्वागत गरौं  । कालो दिन होइन, उज्यालो दिन मनाऔं  । सबैको जय होस्  ।

बलराम धमला

संविधान जादुको छडी होइन, काम गर्नेहरूलाई यसले खासै फरक पार्दैन  । सबैले आ–आफ्नो गुजारा चलाउनैपर्‍यो  । संविधान आएर मात्र मानिसको जीवनस्तरमा खासै फरक पर्दैन  ।

समुन्द्र रेग्मी

बन्दुकको बलमा घोषणा गरिएको लोकतान्त्रिक संविधान कागलाई बेल पाक्यो हर्ष न बिस्मातजस्तै लाग्यो  ।

सुरेन चाम्लिङ

एउटा ऐतिहासिक कुराको साक्षी हुन पाउँदा खुसी लागिरहेको छ  । जय नेपाल, जय संविधान  ।

जितेन कटुवाल

६ दशकमा ३० वटा प्रधानमन्त्री र ६ वटा संविधान बनिसकेको छ  । अबको संविधान एक दशक पनि टिक्ला कि नटिक्ला  ? खुसियाली मनाउने बेला भयो र ?

नवीन

उत्साहजनक छैन  । न जनभावना समेटियो न बन्द–हड्ताल गरेर जनतालाई सास्ती दिने, आतंक मच्चाउनेहरूलाई सजाय दिने कानुन नै बन्यो  ।

अशोक

नयाँ संविधानले मेरो त मनै परिवर्तन भयो, धेरै खुसी लागेको छ  ।

नेपाली छोरो

हामीलाई नयाँ संविधान स्वीकार्य छ  । असहमत पक्षको माग सुनुवाइ भए अझ उत्तम हुन्छ  ।

शारदा खतिवडा

हामीलाई चाहिएको छ रोजगारी, निस्शुल्क स्वास्थ्य र शिक्षा, सुविधा सम्पन्न सहर, त्यसैले संविधानरूपी कागजले मात्र के गर्ने  ?

रविन

संविधानले हाम्रो जीवनमा केही परिवर्तन ल्याउनुपर्‍यो  । त्यति बेला मात्र यो राम्रो सावित हुनेछ  । 

श्रद्धा खतिवडा

नयाँ संविधानले अथाह खुसी त दिएकै छ  । त्योभन्दा बढी छिमेकीका अघि देखाएको स्वाभिमानले खुसी दिएको छ मलाई  । 

दिल कमल

लामो समयदेखि दुस्ख दिइरहेको पिलो फुटेजस्तो भएको छ  ।

ग्वाँजे

जो सच्चा नेपाली छ उसलाई यो संविधान मन परेको छ  । जो देश राम्रो भएको हेर्न चाहँदैन उसलाई नराम्रो लागेको छ  । केही नेता तथा दलहरू सधैं विद्रोहमा मात्र विश्वास गर्छन्  । हामी त संविधान आओस्, देश विकास होस् भन्ने मानिस हौं  ।

विनोद खड्का

संविधानलाई कहिले नफल्ने धान भनिन्थ्यो अहिले फल्यो खुसी लागेको छ  ।

विनोद

प्रकाशित :आश्विन १९, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्