राष्ट्रिय पुरस्कारमा टलकजंगको वर्चस्व

राष्ट्रिय पुरस्कारमा टलकजंगको वर्चस्व

- साप्ताहिक संवाददाता

श्रावण १५, २०७२

नेपाली चलचित्र ‘कबड्डी’ ले राष्ट्रिय पुरस्कार प्राप्त गरेको छ । मंगलबार राष्ट्रपति निवासमा आयोजित समारोहमा यही चलचित्रबाट रामबाबु गुरुङ तथा उपेन्द्र सुब्बा सर्वोत्कृष्ट लेखकका रूपमा पुरस्कृत भए । दयाहाङ राईले चलचित्र ‘सम्बोधन’ बाट उत्कृष्ट अभिनेताको पुरस्कार पाए भने ऋचा शर्मा तथा संगम विष्टले क्रमश: ‘टलकजंग भर्सेस टुल्के’ तथा ‘लव यु बाबा’ बाट उत्कृष्ट अभिनेत्रीको पुरस्कार जिते । चलचित्र ‘झिग्राना’ बाट छायाँकार शैलेन्द्रध्वज कार्की तथा सम्पादक निमेष श्रेष्ठ पुरस्कृत भए । निश्चल बस्नेतले चलचित्र ‘टलकजंग भर्सेज टुल्के’ का लागि उत्कृष्ट निर्देशकको पुरस्कार प्राप्त गरे । आदिवासी जनजाति विधाको पुरस्कार चलचित्र ‘मतान’ ले हासिल गर्‍यो । चलचित्र क्षेत्रमा लामो योगदान गरेबापत नीर शाहले नगद ३ लाख ५१ हजार १ सय ११ रुपैयाँ राशिको दीर्घ साधना सम्मान प्राप्त गरे ।

एफडिसीको प्रमाणपत्र

नेपाल चलचित्र विकास कम्पनीले विगत दुई वर्षदेखि आयोजना गर्दै आएको एनएफडिसी राष्ट्रिय फिल्म एवार्डको तेस्रो संस्करण भदौ २६ गते हुने भएको छ । गत शुक्रबार मनोनयनमा परेका चलचित्र तथा चलचित्रकर्मीलाई प्रमाणपत्र प्रदान गरिएको छ । कार्यक्रममा संयोजक निरक पौडेलले उत्कृष्टताको सही निर्णायक दर्शक भएकाले एवार्डमा उनीहरूको मतलाई प्राथमिकता दिइने बताए । तेस्रो संस्करणको एवार्ड २० विधामा प्रदान गरिँदैछ जसमध्ये तीनवटा विधा अप्रतियोगी हुन् ।

प्रकाशित :श्रावण १५, २०७२

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्