भिडियो निर्देशनमा सक्रिय हुँदैछु

भिडियो निर्देशनमा सक्रिय हुँदैछु

चैत्र ६, २०७१

अनुमा कोइराला,  गायिका

सांगीतिक रूपमा कत्तिको व्यस्त हुनुहुन्छ ?

यतिबेला म संगीतमा मात्र सक्रिय छु । भर्खरै सार्वजनिक भएको गीत तथा म्युजिक भिडियोको प्रमोसनका लागि पूर्वी नेपालको भ्रमण गरिरहेकी छु ।

नयाँ गीत कस्तो छ ?

'अन्माइदियौ...' गीतको भिडियो सार्वजनिक भएपछि अग्रज संगीतकर्मीहरूबाट बधाई पाइरहेकी छु । सञ्जु श्रेष्ठको शब्द तथा संगीतको यो गीत गाएपछि श्रोताहरूले 'रुवाउने खालको गीत गाउनु भएछ' भन्ने प्रतिक्रिया दिनुभएको छ ।

भिडियोको निर्देशन पनि आफैंले गर्नुभएछ ?

प्रयोगका लागि गरेकी हुँ । आफ्नो गीतको भावना प्रभावकारी ढंगले व्यक्त गरौं भन्ने उद्देश्यले निर्देशनमा समेत हात हालेकी हुँ । भिडियोबाट प्राप्त सकारात्मक प्रतिक्रियाबाट उत्साहित छु ।

सांगीतिक क्षेत्रमा सक्रिय हुनुभएको कति भयो ?

करिब आधा दशकदेखि संगीतलाई नै करियर बनाएर अघि बढेकी छु । ४ वर्षअघि 'जहिलेदेखि' शीर्षकको एकल एल्बम सार्वजनिक भएपछि म गायिकाका रूपमा सक्रिय भएकी हुँ ।

तपाईंका कतिवटा गीत श्रोताले मन पराएका छन् ?

'हृदय नै मेरो छुने' तथा 'जहिलेदेखि तिमीलाई' गीतले मलाई चिनाएको छ । अन्माइदियौ...गीतले मलाई थप पहिचान दिनेछ भन्ने कुरामा ढुक्क छु ।

भिडियो निर्देशनलाई निरन्तरता दिने कि नदिने ?

आफ्ना गीतको भिडियो आफैं निर्देशन गर्ने त छँदैछ, राम्रा गीतको भिडियो बनाउनुपर्‍यो भन्ने प्रस्ताव पाएँ भने पछि हट्दिनँ ।

अबको योजना ?

एउटा नयाँ एल्बम तयार पार्दैछु । पाश्र्व गायनमा पनि सक्रिय हुँदैछु । त्यसबाहेक संगीतकार राजु सिंहको संगीतमा गीत गाउँदैछु ।

प्रकाशित :चैत्र ६, २०७१

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्