नेपाली भएकोमा म गर्व गर्छु

नेपाली भएकोमा म गर्व गर्छु

पुस १८, २०७१

नेपाली भएकोमा म गर्व गर्छु, किनभने मेरो देशमा धार्मिक सहिष्णुता छ । (क्रिसमस क्रेज, पुस ११) धार्मिक सद्भाव छ, भाइचारा छ । एउटा धर्म मान्ने हामी नेपालीले अर्को धर्मको चाडपर्वसमेत मनाउन थालेका छौँ । यो सार्‍है राम्रो कुरा हो । हामी विश्वमै नमुना राष्ट्र बनेका छौँ ।

      - विनोद गिरी

विश्वमा भैरहेका यस्ता अनौठा घटनाहरू पत्रिकामा छाप्नु र पाठकले पढ्न पाउनु धेरै राम्रो कुरा हो । (सन् २०१४ का अनौठा विश्व घटना, पुस ११) आगामि दिनमा पनि यस्तै सामग्रीहरू पढ्न पाईयोस् ।

      - रेजिना राई, इटहरी

वर्षका चर्चित अनुहारहरूमा डाक्टर कुमुद धितालको तस्बिरसमेत प्रकाशन गरिएको भए अझ राम्रो हुने थियो । (वर्षका चर्चित अनुहारहरू, पुस ११)

      - थिर बहादुर दाहाल, इटहरी-२, सुनसरी

अभिनेता महेशमान श्रेष्ठको कुरा चित्त बुझेन । २० जोर जुत्ता लगाउँदैमा, ब्रान्डेड र महँगो पहिरन लगाउँदैमा मात्र आत्मविश्वास थपिने होइन । त्यसो भए महँगा पहिरन नलगाउनेहरूमा चाहिँ आत्मविश्वास हुँदैन ? के उनीहरूको कुनै मूल्य नै हुँदैन ? के उनीहरू सफल हुन सक्दैनन् । धन हुनेले राम्रो र महँगो लगाउलान्, नहुनेले के गर्ने ?

      - ४०८०

साप्ताहिकको गत अंक ज्ञानवर्द्धक एवं सूचनामूलक लाग्यो ।

      - ०५८१

वर्षका चर्चित अनुहारहरू शीर्षकको लेखमा नेपाली चिकित्सक कुमुद धितालको तस्बिरसमेत प्रकाशन गरिएको भए हुन्थ्यो कि ? (वर्षका चर्चित अनुहारहरू, पुस ११) यो नेपालीहरूका लागि खुसीको कुरा हो ।

      - इन्दिरा महर्जन

विश्वका घटनाहरूसँगै नेपालका घटनाहरूलाई पनि स्थान दिनुपथ्र्यो । (बिर्सन लायक दुर्घटना, पुस ११) हामीले हाम्रै देशमा भएका घटनाहरू राम्रोसँग बुझ्न, केलाउन जरुरी छ ।

      - मिलन गुरुङ

प्रकाशित :पुस १८, २०७१

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्