राजनीतिक दल एक ठाउँमा आउनु आवश्यक छ।

चैत्र १४, २०७०

नेपाललाई समृद्धितर्फ लाने हो भने सबै राजनीतिक दल एक ठाउँमा आउनु आवश्यक छ।

        - कालिका पोखरेल, बुटवल

पशुपतिनाथ वरिपरि प्रशस्त प्रेम जोडीहरू हुन्छन्। अहिले त त्यहाँ परिवारसँग हिँड्नै नहुने अवस्था छ। यस्तो पवित्र सार्वजनिक स्थलमा आपत्तिजनक अवस्थामा कोही भेटिँदा प्रहरीले पक्राउ गर्नुपर्छ।

        - भागीरथी शर्मा, कालोपुल

देशका विभिन्न ठाउँमा खोलिएका बालगृहहरूले सेवाभन्दा व्यापारमा जोड दिएका छन्। यस्ता कतिपय केन्द्र त गैरकानुनी रूपमा सञ्चालित छन्। ती सबैलाई कानुनी दायरामा ल्याएर छानबिन गरिनुपर्छ।

        - मनजित काफ्ले

देशैभरि खुल्ला दिसापिसाबमुक्त क्षेत्र घोषणा गर्ने तर सार्वजनिक शौचालयचाहिँ कतै नबनाउने ?

अनि कसरी हुन्छ ? भक्तपुर-कोटेश्वर ६ लेनको सडकमा कहाँ छ सार्वजनिक शौचालय ? यो विषयमा पनि ध्यान दिने कि ?

        - मनोरञ्जन मल्ल ठकुरी

सुनसरीको प्रकाशपुर, महेन्द्रनगरमा सप्तकोसीको बाढीमा परेका नागरिकका लागि सरकारले गाँसबासको व्यवस्था मिलाउने भनिए पनि अहिलेसम्म कुनै राहत उपलब्ध भएको छैन। सरकारसँग हाम्रा लागि केही गरिदिन आग्रह गर्छौं।

        - ओमनाथ ढुंगाना, सुनसरी

गाउँमा न बिजुली बाल्न पाएका छौं, न राम्रो बाटोघाटो पाएका छौं। खै सरकारले हाम्रा लागि के नै गरेको छ र ?

        - मंगल चौधरी भाबुक, अर्घाखाँची

कामविशेषले बर्दिया मालपोत कार्यालय, नापी कार्यालय, भूमिसुधार कार्यालय आदि जाँदा घूस नदिई कामै हुँदैन। सरकारी कार्यालयमा व्याप्त यस्तो भ्रष्टाचारको अन्त्य कहिले हुने होला ?

        - हरि दाहाल

गाउँघरमा युवाहरू बेरोजगार छन्। हिजोआज निराशा पनि उत्तिकै छाएको छ। सरकारले युवाहरूलाई रोजगारीको अवसर जुटाइदिनुपर्‍यो।

        - किरन चाम्लिङ

प्रकाशित :चैत्र १४, २०७०

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्