तपाईंले कहिल्यै कसैको गाली खानुभएको छ?

तपाईंले कहिल्यै कसैको गाली खानुभएको छ?

पुस १९, २०७०

धेरै खाएको छु, एउटा रमाइलो घटना, मानसिक सन्तुलन ठीक नभएको एक मान्छेले बानेश्वरमा कलेजबाट र्फकने क्रममा एकदमै नराम्रोसँग गाली गरेको थियो, त्यो पनि बिना कारण।

      - केकी अधिकारी, नायिका

सानोमा पैसा हुँदैनथ्यो तर त्यही उमेरमा फिल्म हेर्न जानुपर्ने, मिठो-मिठो कुरा खानुपर्ने, त्यही क्रममा एकदिन ममीको ब्यागबाट २० रुपैयाँको नोट चोरेको थिए, चलचित्र हेर्न अनि चटपटे खान। ममिले थाहा पाउनुभएछ, चलचित्र हेरेर फर्किएपछि यति नराम्रोसँग रामधुलाई र गाली खाको छु नि!

      - बादल प्रसाईं, गायक

सानोमा बाबा-ममिको गाली खुबै खाइयो, घरमा भाइबहिनीसँग चल्नुपर्ने, केही कुरा नै नहुँदा पनि हास्नुपर्ने, डुल्नुपर्ने त्यसैले मज्जाले गाली खाएको छु। कहिलेकाहीँ बिनाकारण शिक्षक-शिक्षिकाको गाली खाइएको छ।

      - राजबल्लभ कोइराला, नायक

गाली खाएरै ठूलो भइयो, सानोमा ममि-बुबाको त्यसपछि स्कुलमा शिक्षकको अहिले जागिरमा कहिलेकाहीँ हाकिमको खप्की खानु परिरहेको छ। अब त अत्ति नै भैसक्यो, केही न केही गर्नुपर्ला जस्तो छ।

      - विवेक खतिवडा, भिजे/निर्देशक

ममि-ड्याडिको इच्छा बिजनेस गरोस भन्ने थियो मैले हिरो हुन्छु भने, त्यो दिन नराम्रैसँग गाली खाए। दुवैजना मिलेर दह्रो गाली गर्नुभयो-'बन्छस् हिरो, न अनुहार छ, न जिउडाल नै छ, न पैसा छ, त्यतिकै बन्छस् हिरो?'

      - गजित बिष्ट, नायक

प्रकाशित :पुस १९, २०७०

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्