सन्दर्भ

मनकामना दर्शनको कथा

अधिकारी रवीन्द्र, कार्तिक १९, २०७४

केवलकारले बनाएको डम्म कान बिसेक हुन नपाउँदै मनकामना माईको पुण्यस्थलमा बाहिरैदेखि तरह–तरहका व्यापारीहरू सस्ता सुविधाका लागि महँगा मूल्य लिन बिहानैदेखि तैनाथ थिए । बाटै छेकेर ‘नरिवलसहितका फूलमाला ढक्कीसमेत लिएर जानुस् । फर्केर आउँदा ढक्कीसँगै पैसा दिए हुन्छ’ भन्दै स्किम फ्याँक्नेहरूको ओइरो नै लाग्यो । पुरा पढ्नुहोस्

खलासी

अधिकारी रवीन्द्र, कार्तिक १७, २०७४

कसैकसैले त खलासीजस्तो अशिक्षित प्राणी अरू देखेकै हुँदैनन् । भन्छन्– कस्तो ‘खलासीजस्तो’ पढ्न पनि नआउने । कतिले नक्कली कार्ड देखाउँदा खलासीले चिन्दैनन्, स्टाफ परिचय पत्र, लाइसेन्स वा नागरिकतासमेत खलासीका लागि विद्यार्थी छुट कार्डसरह हो भन्छन्, तर कहिलेकाहीं तिनै पेसेन्जर मेजर इङ्लिसमा बीए गरेको खलासीको फेला परेर नक्कली कार्ड बोक्ने चकारीको पर्दाफास हुन पुग्दा मुर्छातुल्य हुन्छन् । पुरा पढ्नुहोस्

नाइँ, म ससुराली जान्नँ

अधिकारी रवीन्द्र, कार्तिक १०, २०७४

कुनै पुरुष सबैभन्दा सोझो र शिष्ट कहिले हुन्छ ? निश्चय नै ससुरालीमा छँदा । किनभने त्यहाँ उसका अम्मल र गलत आदतका दोहोलो हुन्छन् । चुरोट खानेले चुरोट छोड्छ, रक्सी धोक्नेले रक्सी अनि सुर्ती च्याप्नेले सुर्ती छोड्छ । गुट्का, सुपारी, शुद्धप्लस सबै अम्मलका अन्त्य हुन्छन् ससुरालीमा छउन्जेल । त्यहाँ मुख छाड्न पाइन्न, त्यहाँ कौडा हान्नँ पाइन्न, त्यहाँ केटी जिस्क्याउन पाइन्न, त्यहाँ अनर्थका फिलिम हेर्न पाइन्न । पुरा पढ्नुहोस्

गोरु पुज्ने चाड

अधिकारी रवीन्द्र , आश्विन ३१, २०७४

हिन्दू धर्मअन्तर्गत तेत्तीस कोटी देवता छन् । हिन्दूधर्ममा घाँस (दूबो), झार (तुलसी), रूख (पीपल), ढुङ्गा (शालिग्राम) को मात्र नभै पञ्चतत्वका रूपमा हावा, आकाश, अग्नि, माटो तथा पानीको समेत पूजा गरिन्छ । त्यति मात्र नभै विभिन्न जीव–जनावरहरू देवीदेवताका अवतार वा बाहानका रूपमा पुजिन्छन् । गणेशको बाहान मुसाको अनि नागपञ्चमीमा सर्पको पूजा गरिन्छ । पुरा पढ्नुहोस्

दसैंपछिको सामान्य जीवन

अधिकारी रवीन्द्र, आश्विन १६, २०७४

पूर्णिमासँगै दसैं बिदा पनि सकिएको छ । दसैं नआउँदासम्म दसैं कहिले आइदेओस् जस्तो हुन्थ्यो । मध्यदसैंभन्दा बरु दसैं आउन आँटेको समय बढी उल्लासपूर्ण हुन्छ, किनभने बिदा टन्नै हुन्छ र यो गरौंला त्यो गरौंला भनेर योजना बनाइन्छ । बिदा आउँदा कुन्नि कतातिर रनभुल्लमा परिन्छ, सोचेका मध्ये धेरै काम गर्नै पाइँदैन । पुरा पढ्नुहोस्

दसैं बिदाको उपयोग

अधिकारी रवीन्द्र , आश्विन ९, २०७४

यो दसैंमा साँचै निराश केही मानिसको अनुहारमा खुसी ल्याउन सक्नुभयो भने सम्झनुहोस् तपाईंको यसपटकको दसैं सार्थक भयो । वृद्धाश्रममा आँसुसँग भात खाइरहेकी वृद्ध आमाहरूका लागि एक जोर कपडा लिएर जानुहोस् । आफ्ना कोही नहुनेहरूलाई सबैभन्दा दु:ख लाग्ने पर्व यही दसैं हो, एकपटक तपाईं उनीहरूको कोही भएर गैदिनुहोस् । पुरा पढ्नुहोस्

चोर हुँ

अधिकारी रवीन्द्र , भाद्र ११, २०७४

गणेश चतुर्थीमा कतिले चौथी खेल्ने, चोर्ने वा बिगो गर्ने योजना बनाइरहेका बेला मचाहिँ एउटा कन्फेसन वा स्वीकारोक्ति गर्न चाहन्छु । म विभिन्न चरित्र मिसिएर बनेको मानव हुँ । म भन्न नमिल्ने धेरै नराम्रा गुणले भरिएको छु, तसर्थ म चोर पनि हुँ । पुरा पढ्नुहोस्

एउटा बूढो रूखको कथा

अधिकारी रवीन्द्र, भाद्र ८, २०७४

यो एउटा प्रतीकात्मक कथा हो, सदैव त्यागी प्रवृत्ति बोकेको बूढो रूख अरू कोही नभएर तपाईं–हाम्रै बा हुनुहुन्छ, जसले हरदम सन्तानको खुसीका लागि केही दिइ नै रहेको हुन्छ, नपत्याए एकछिन मनन गर्नुहोस् । पुरा पढ्नुहोस्

हावामा तैरिँदै

अधिकारी रवीन्द्र, भाद्र १, २०७४

सराङकोटको शिर, हरियो घाँसे भीर, असार ३० गतेको बिहान नौ बजे । दुई घण्टा कुर्यौं, हुस्सु निख्रिएकै होइन । त्यो डाँडोमा एउटा गज्जबकै मेला थियो । त्यहाँ थरीथरीका मान्छे, थरीथरीका मुलुकबाट बेग्लै उत्साहका साथ प्याराग्लाइडिङ गर्न आएका थिए । पुरा पढ्नुहोस्

जन्मदिन किन मनाउने ?

अधिकारी रवीन्द्र, श्रावण २६, २०७४

जन्मिएको दिनलाई जन्मदिन भनिन्छ, चाहे मान्छे होस् वा कुनै अन्य जीव । एउटा सिङ्गो जीवनमा जन्मदिन एकपटक आँउछ, केवल एकपटक, जुन कुरा न जन्मिनेले चाल पाउँछ न जन्माउनेले यही दिन जन्माउँछु भनेर इच्छा गरेर हुन्छ । जगजाहेर छ जन्मदिन त हामीले नजानेरै त्यसै दिन मनाइसक्यौँ जुन दिन हामी च्याँच्याँ गर्दै यो धर्तीमा पदार्पण गर्यौं । पुरा पढ्नुहोस्

मलाई थुक्ने त्यो केटी

अधिकारी रवीन्द्र , श्रावण १९, २०७४

तल बाटोमा को आइरा’ छ, उसलाई मतलब छैन । खकार बनायो, थुक्यो । बस, क्या आनन्द ! गल्लीमै घर हुने र उमेर हेर्दा २५–२६ की देखिनेको त कम्तीमा थुक्ने बेलामा कोही छ कि तल भनेर हेर्नुपर्ने चेतना आइसकेको हुनुपर्ने अनि मलाई रिस नउठ्ने कुरै भएन । पुरा पढ्नुहोस्