अब हाम्रो पालो

यसपालिको विश्वकप फुटबल कसले जित्छ र किन ?

- साप्ताहिक संवाददाता


इंग्ल्यान्डले ।
सुरेन चौधरी

फ्रान्सले जित्छ ।
सञ्जितसिंह चौधरी

फाइनलमा पुगेका दुई देशमध्ये एउटाले जित्छ । पक्का हो, मैले भनेको मिल्छ । 
दिनेश सुवेदी

जसले राम्रो खेलेर धेरै गोल गर्छ उसैले जित्छ । 
राहुल गुरुङ

फ्रान्सले जित्छ, केलियन माबाप्पेजस्ता खेलाडी भएकाले गर्दा । 
हाक्कु काले

फाइनलमा जसले हार्छ, उसको प्रतिस्पर्धामा भएको देशले जित्छ । 
पासाङ तामाङ

क्रोएसियाले जित्छ । क्रोएसियासँग राम्रो किपर भएकाले उसले जित्छ भन्ने विश्वास हो । राम्रो डिफेन्स अनि सबै कुरा मिलेको छ । 
अनुप तिवारी

फ्रान्सले जित्छ । माबाप्पेजस्ता खेलाडी छन् । 
देब राइ

जो भाग्यमानी छ उसले जित्छ । जसले मेहनत गर्छ, उसले जित्छ । जसले कमजोर खेल्छ उसले हार्छ । 
साइको बिन्दास

जुन दिन नेपाल पनि विश्वकपमा सहभागी हुन्छ, त्यतिबेला नेपालले जित्नुपर्छ । अहिले जसले जिते पनि फरक पर्दैन । 
उमेश लामिछाने

फ्रान्सले जित्छ । 
लीलाराज भट्टराई, नरेन्द्र माझी, आकाश भण्डारी, विकास मानन्धर, रमेश खतिवडा, सहयात्री दिनेश, प्रबिन राज पाण्डे तथा जेबी श्रेष्ठ

क्रोएसियाले जित्छ किनभने रियलका लुका मोर्डच अनि बार्साका इभान छन् । दुवै मिडफिल्डबाटै पोस्टमा गोल हान्ने क्षमता राख्छन् ।
मिम बम्जन

जसले धेरै गोल गरेर जित्दै जान्छ उसकै जित सुनिश्चित छ ।
युद्ध खत्री

फाइनलमा धेरै गोल गर्ने टिमले जित्छ, किनभने फिफाको नियम नै यस्तै छ ।
प्रशान्त श्रेष्ठ

फुटबलमा टिम बलियो बनाउने र महत्वपूर्ण भूमिका निर्वाह गर्ने भनेकै डिफेन्सले हो । साथमा विपक्षीको पोष्टमा ओजनदार प्रहार गर्नु पनि जित हासिल गर्नु हो, जसले यी कुरामा ध्यान पुर्‍याउँछ उसैले जित्छ ।
चासुमहाङ कोयु राई 

जसले गोल हान्छ उसैले जित्छ । 
दीप कार्की

नेपालले जित्ने दिन कहिले आउला ? हामी त्यो दिनको प्रतीक्षामा छौं । 
रेसिका गुरुङ

फाइनलमा पुग्नेमध्ये एउटा देशले जित्छ । 
प्रोगेस श्रेष्ठ

शंकै छैन, फ्रान्सले जित्छ । 
सविन

जुलुस निकालेर जितिने भए त नेपालले जित्थ्यो नि ! 
फ्रेन्जी सम्बोधन

इंग्ल्यान्डले । 
मानिस के. भट्टराई

बेल्जियमले किनभने उसले राम्रो खेल प्रदर्शन गर्छ ।
डल्ली कान्छी

फ्रान्सको टिम राम्रो भएकाले उसैले जित्छ । 
मनोज गुभाजु

बेल्जियमले जित्छ, किनभने उसमा बेग छ । 
बिजय लामा 

बेल्जियमबाहेक अरू अप्सन छैन । 
राजु केसी

फाइनल सकिएपछि भन्छु नि है । 
सानु मस्की मगर

बेल्जियम । किन भन्नै मिल्दैन । जित्न नसक्ने भए सेमिफाइनलसम्म पुग्थ्यो र ?
अनिर्वचनीय आत्मा

फ्रान्सले जित्छ । किनभने फ्रान्सका खेलाडीहरू सक्षम छन् । हाम्रो त शुभकामना पनि छ । 
नन्द राई, दीपक थापा, झकिन्द्र खतिवडा

जसले बढी गोल हान्छ, उसैले जित्छ । 
मीन राई

क्रोएसियाले जित्छ ।
प्रशान्त

बेल्जियमले जित्छ ।
भवानी न्यौपाने, सुनिल पोखरेल तथा देवी कार्की

प्रकाशित: असार ३१, २०७५