नेपाल डे को अवसर पारेर हङकङ याउमा तेई कम्युनिटी हलमा आयोजना गरिएको २५६२ औँ बुद्ध जयन्ती कार्यक्रममा गायक तथा अभियान्ता धिरज राई ब्राण्ड एम्बास्टर घोषित भएका छन् । हङ्कङका नेपालीहरुको सक्रियतामा पूर्वी नेपालको धरान छोटी मोरङ्मा निर्माणाधिन थाउजेन बिग बुद्धको लागि राई ब्राण्ड एम्बास्डर बनेका हुन् । 

कार्यक्रममा राईलाई सुर्यादय बुद्ध विहारका प्रमुख भिक्षु मेधंकर नारायणबहादुर आले, थाउजेन विग बुद्ध निर्माणका संयोजक प्रदिप थापा, हङकङ नेपाली महासंघका अध्यक्ष रीता गुरुङ् लगायतले एम्बास्डरको प्रमाणपत्र सहित सम्मान गरेका थिए । 

हङकङ नेपाली महासंघ र थाउजेन बिग बुद्ध नेपालको आयोजनामा निशुल्क प्रवेश सहित सम्पन्न कार्यक्रममा कवियत्री सुनिता गिरीको कविता, स्थानिय बालबालीकाहरुको नृत्य सहित गायक धिरज राईले आफ्नो अभियान र चर्चित गीतहरु प्रस्तुत गरेका थिए ।