बलिउड
मलेसियामा श्रद्धा
नवाजुद्धिनको तर्क
बलिउड 'अफ-ट्रयाक' अभिनेताका रूपमा नवाजुद्धिन सिद्धिकी लोकप्रिय हुँदै गएका छन् । हालै प्रदर्शन भएको सफल चलचित्र 'बदलापुर' का लागि मुख्य नायक वरुण धवन भन्दा नवाजुद्धिनले बढी जस पाए । उनको भूमिकालाई विश्लेषकहरूले सशक्त मानिदिए । यसले स्वंय नवाजुद्धिनलाई पनि दंग पारेको छ । उनले एक अन्तर्वार्ताका क्रममा भने- 'वल्र्डकपका बाबजुद पनि मेरो चलचित्रलाई दर्शकले जुन माया दिनुभयो, विश्लेषकहरूले मेरो कामलाई जसरी सराहना गरिदिनुभयो, यसले मलाई थप उत्साहित बनाएको छ ।' यद्यपि उनलाई एउटा कुरा भने चित्त बुझेको रहेनछ । अफट्रयाकका अर्का सफल अभिनेता इरफान खानसँग आफ्नो तुलना गर्ने मिडियाको ट्रेन्डप्रति दु:खी भएको उनले बताए । नवाजुद्धिन भन्छन्- 'हामी दुई अलग-अलग अभिनेता हौं, तर पनि थाहा छैन, किन हाम्रो तुलना गरिन्छ । इरफान मभन्दा धेरै वरिष्ठ अभिनेता हुन्, म सधैं उनको इज्जत गर्छु । हामी दुईलाई तुलना गरेर हाम्रो प्रतिभाको अपमान गरिएको छ ।'