अनुभव
धोका - मनोज पण्डित, निर्देशक
मैले केही समय चलचित्रसम्बन्धी अध्ययन गरें। २२ वर्षको अल्लारे जोसमै चलचित्र बनाउन तम्सिएँ। 'लक्ष्य' नामक त्यो चलचित्रमा मेरो र हरेन्द्र लिम्बुको लगानी थियो। धेरै मेहनत गरेर परम्परागतभन्दा फरक किसिमको चलचित्र बनाइयो। त्यसैले राम्रै प्रतिक्रिया पाउने अपेक्षा थियो।
एकदिन व्यक्तिगत कामको सिलसिलामा जमल हँुदै कतै गैरहेको थिएँ। विश्वज्योति हलको भित्तामा मेरै चलचित्रको पोस्टर टाँसिएको रहेछ। एकसाथ आश्चर्य र दुःख लाग्यो। किनभने डेढ वर्षभन्दा बढी श्रम र सीप खर्चिएर बनाएको आफ्नै चलचित्रको प्रदर्शनका सम्बन्धमा मलाई कुनै जानकारी थिएन। मःम बिक्री गरिए झै एकदमै 'सस्तो' हिसाबले चलचित्र प्रदर्शनमा ल्याइएको थियो। यसरी मैले आफ्नो करियरका दौरान दुईपटक नराम्रोसँग झड्का खानुपर्यो।